- Куырдуат
-
Куырдуат – чызг-иу бафидауынæй йæ ацæуыны бонмæ йæ ныййарджыты хæдзары цы рæстæг фæбадтис, уый. Арæх-иу куырдуаты рæстæг тынг ныддæргъвæтин. Куырдуаты бадæг чызджыты хæдзармæ-иу æрæмбырд сты йе ’мбал чызджытæ æмæ йæ тугхæстæг сылгоймæгтæ. Æххуыс ын кодтой йæ чындздзон дарæс æмæ лæвæрттæ бацæттæ кæнынæн. Куырдуаты бадæг чызгæн бар нæ уыдис æнæ аххосагæй æмæ иунæгæй адæмы æхсæнмæ рацæуын. Хъуамæ йемæ уыдаид йæ кæстæр æфсымæртæй. Кæд ын кæстæр æфсымæр нæ уыдаид, уæд та – йæ хæстæджытæй, кæнæ йе’ мбал чызджытæй исчи.
Словарь по этнографии и мифологии осетин. 2014.